PANGALAMAN KURING LIBURAN KA MALAYSIA

Pangalaman kuring liburan ka Malaysia mangrupa  pangalaman munggaran pikeun kuring indit ka luar negeri. Harita téh kuring masih sakola di SD kelas 6. Kuring diajak ku Bibi kuring pikeun liburan ka Malaysia. Pastina kuring bungah pisan, ngan hanjakal  kuring indit henteu jeung kolot kuring. Acarana ngadadak sabab harita téh aya promo tikét pesawat bulak-balik Bandung - Malaysia salila tilu poé.

Malaysia mangrupa salah sahiji Nagara ASEAN anu jadi tujuan wisata nu cukup dipikaresep ku urang Indonesia kaasup simkuring. Puseur kotana nyaéta Kuala Lumpur. Karagaman pendudukna ngawengku Melayu, India, China, Arab jeung Eropa. Kalawan kamajuan anu pesat pisan.  Kuala Lumpur jadi salah sahiji déstinasi wisata nu kudu dijugjug.

Wisatawan ti unggal daérah di Malaysia jeung mancanagara daratang pikeun ngarasakeun  pakanci anu pikaresepeun  di Malaysia. Loba pisan tempat wisata di Malaysia nu kawentar nepi ka mancanagara. Salila ieu meureun anu dipikanyaho ku para wisatawan nya éta Menara Kembar Petronas (Twins Tower). Nyatana Malaysia lain ngan saukur Menara Kembar Petronas, sabab masih kénéh loba pisan tempat wisata di Malaysia anu matak ngirut pikeun didatangan ku urang.

Dina waktu nu geus ditangtukeun pikeun indit ka Malaysia, kuring siap-siap ti peuting kénéh. Saterusna kuring indit ka Bandara Husein Sastranegara kira-kira jam 01:00 janari. Ahirna kuring nepi di Bandara jam 5 subuh. Di dinya kuring masih nungguan jadwal keberangkatan ngagunakeun maskapai Penerbangan Air Asia. Geuning maskapai ieu téh milik nagara Malaysia. Sarua jeung Indonesia nu ngabogaan maskapai Penerbangan Garuda Airlines. Samemehna kuring ka bagian imigrasi heula pikeun ngecék paspor. Alhamdulillah lolos pangecekan ti imigrasi.

Pesawat nu ditumpakan ku kuring indit kira-kira jam 07:00 sabab ngalaman delay. Kuduna mah pesawat téh indit jam 06.00. Ahirna pesawat mendarat di Bandara Kuala Lumpur Internasional Airport jam 09.00. Kuring turun ti pesawat muru ka bagian imigrasi pikeun ngecék paspor. Indit ka Malaysia mah cukup maké paspor wungkul , teu kudu aya Visa sagala sabab Malaysia mah salah sahiji nagara ASEAN anu ngabébaskeun penggunaan Visa. Saméméh  ngajugjug lalampahan ka Bukit Bintang anu merlukeun waktu kira-kira 2 jam, kuring mampir heula ka Subway pikeun dalahar. Sanggeus éta mah kuring indit ka hotél Golden Three Boutique maké beus anu disadiakeun ku pihak bandara. 

Poé kahiji kaping 26 Séptember 2018, kuring ngajugjug tilu tempat wisata nya éta Bukit Bintang, KLCC, jeung Petronas.

• Bukit Bintang Walkway Malaysia (Segitiga Emas)

Lamun Singapura boga Orchard Road, Malaysia ngabogaan Bukit Bintang. Bukit Bintang surgana balanja nu aya di Kuala Lumpur, Malaysia. Komo tempatna nu stratégis deukeut jeung KLCC. Salian ti tempat balanja loba ogé tempat hiburan lianna, saperti café jeung hotél-hotél berbintang. Kawasan ieu mangrupa kawasan kalawan pusat balanja barang-barang brand nu boga ngaran saperti Prada, Gucci, Louis Vuitton, Burberry jeung masih loba nu lianna. Di tempat ieu ogé sok diramékeun ku acara-acara meriah jeung dina malam taun baru Bukit Bintang Walk jadi salah sahiji tempat nu wajib dijugjug ku turis atawa warga lokal, lantaran di dieu pasti sok aya acara mapag taun baru. Teu anéh  ku naon Bukit Bintang Kuala Lumpur sok ramé didatangan ku para turis. Tempatna nu stratégis jeung ramah pikeun unggal lapisan masarakat sosial. Kumplit, kajangkau, jeung loba pilihan. Di dieu ogé loba pusat balanja atawa Mall anu kasohor, diantarana nya éta: Berjaya Times Square, Bukit Bintang Plaza, Imbi Plaza, Kuala Lumpur Plaza, Low Yat Plaza, Starhill Galeri, Sungei Wang Plaza, Fahrenheit, Lot 10 jeung anu kakara dibuka Pavillion KL.Di ditu kuring balanja baju jeung bros.

Loba tempat-tempat pijat réfléksi anu paling kasohor. Urang bisa ngarasakeun pijat awak, suku, atawa Spa di tempat-tempat pijat réfléksiologi anu aya di sapanjang jalan Bukit Bintang ieu. Tempat pijat ieu biasana buka nepi ka tengah peuting. Lolobana  pelanggan nu datang ka tempat ieu sanggeus maranéhanana capé shopping atawa ngan saukur rélaksasi tina kacapéan gawé sapopoé. Lamun geus tengah poé jeung urang ngarasa lapar, tangtu ieu  tempat  bisa jadi  salah sahiji tempat pikeun dahar. Loba pisan tempat dahar di Bukit Bintang. Kalawan anéka kulinér anu ngagiurkeun bisa ngajadikeun urang katagihan. Harita kuring dahar sangu Hayam Hainan Chee Meng di Restoran Spice of Punjab. Bukit Bintang mangrupa salah sahiji kawasan wisata anu ramé pisan didatangan. Salian ti tempat wisata kulinér, bukit bintang ogé mangrupa tempat balanja anu ku urang ulah diapilainkeun. Sabenerna Bukit Bintang mangrupa tempat balanja di Malaysia anu kawentar. Loba Mall anu nawarkeun barang branded jeung diskon husus. 

Hayam Hainan Chee Meng

Kuliner di Bukit Bintang

Mall Pavillion KL

foto di Pavillion KL

• Suria KLCC 

Saterusna kuring ngajugjug Suria KLCC anu notabéné mangrupa pusat dunya anu ramé pisan, komo lamun urang datang peuting. Di Suria KLCC ieu, urang bisa ngarasakeun rupa-rupa lokasi tempat pikeun dahar peuting jeung hiburan nu matak ngirut. Déstinasi ieu wisata balanja di Kuala Lumpur aya di handap Menara Kembar Petronas nu jangkungna 5 lantai kalawan loba jenis toko. Ieu Suria KLCC geus buka ti bulan Mei 1998. Sok sanajan geus lila, ieu tempat geus maké gaya arsitéktur modern, di dieu urang bisa loba meuli mérk fashion anu kasohor, gadget anu panganyarna, perhiasan, furniture jeung aksésoris nu kasohor. 

foto di Pavillion KL

• Menara Kembar Petronas Malaysia

Bada Magrib kuring ngajugjug Petronas Twin Towers nu ngabogaan total 88 lantai. Jangkungna 451,9 m jeung 40 lift/eskalator tiap menarana. Menara Kembar Petronas pernah jadi tower pangjangkungna di dunya salila 6 taun. Tapi beuki dieu beuki canggih nepi ka loba jalma nu nyieun tower pajangkung-jangkung nepi ka Petronas Twin Tower ayeuna jadi salah sahiji menara paling jangkung di dunya anu aya di peringkat ka 11.

Petronas mangrupa gedung paling jangkung di Nagara Malaysia. Salian ti éta aya jambatan anu ngahubungkeun dua tower jeung masih jadi nyepeng tittle jambatan gedung paling jangkung di dunya. Inspirasi ieu menara dicokot tina wangun géometris tina arsitektur Islam. Struktur raksasa anu megah ieu dirancang ku arsiték Argéntina-Amérika anu ngarana Cesar Pelli. Menara nu diresmikeun dina tanggal 1 Agustus 1999 ayeuna boga fungsi salaku perkantoran, tempat wisata jeung shopping mall. Menara Kembar Petronas kalolobaanana diwangun tina beton anu pengkuh jeung ékstérior wangunan tina baja jeung kaca anu dirancang maké motif  kasenian Islam anu méré ciri  mayoritas agama Islam di Malaysia. Di handap wangunan ieu, aya taman KLCC jeung mall KLCC salega 69.000 m2 anu nyadiakeun jalur pikeun jogging jeung leumpang, kolam air mancur anu dipapaés pertunjukan cahaya, kolam rendam jeung aréna pikeun ulin barudak. Pétronas Twin Tower jangkungna 451,9 meter. Bisa dijugjug ku saha waé nu panasaran kana kamegahanana. Ieu menara geus jadi gedung ikonik jeung ngabogaan ajén sajarah modern di nagri Jiran.

Menara Kembar Petronas

Poé kadua kaping 27 Séptember 2018, kuring ngajugjug dua tempat wisata nya éta Batu Caves jeung Jalan Alor. 

• Batu Caves

Isuk-isuk kira-kira jam dalapanan kuring ngajugjug ka Batu Caves. Posisina 15 kilométer ti Kuala Lumpur. Aya di antara perjalanan ti kota ka Genting. Objek wisata Batu Caves mangrupa gabungan antara wisata alam jeung wisata réligi. Guha anu dijieun tina batu gamping taun ieu ngabogaan umur 400 juta sarat nuansa agama Hindu, lukisan jeung patung-patung déwa nu mapaés sakuriling guha.

Nepi ka hareup Batu Caves  urang dipapag ku patung Déwa Muragan sajangkung 42 méter. Loba jalma sering nyebut ieu patung Malaysia lantaran loba pisan jalma ka Malaysia foto-foto di hareupeun ieu patung. Ieu patung warnana kaemasan ngajadikeun eye catching. Unggal taunna rébuan umat Hindu datang pikeun ngarayakeun féstival Thaipusam anu sok diayakeun dina ahir bulan Januari.

Temple Cave atawa Cathedral Cave mangrupa guha utama anu bisa dihontal ku naék 272 anak tangga. Di puncakna urang bisa ningali kaayaan puseur dayeuh anu éndah. Ieu guha dijadikeun kuil umat Hindu jeung dipersembahkeun ka Dewa Muragan. Ati-ati waktu naék kana anak tangga lantaran urang bakal disampeurkeun ku monyét-monyét anu ménta dahareun.

Panto asup Dark Cave bisa ditingali di tengah lalampahan  ngajugjug Temple Cave. Dark Cave mangrupa habitat lancah anu langka di dunya. Trapdoor Spider. Ieu objék wisata nawarkeun ngalalana di jero guha dibarengan édukasi sains. Waktu ngiluan Tur Edukasi anu lumangsung salila 45 menit. Tourguide méré hélm jeung sénter. Urang diajak ningalian susunan batu-batu guha, kalong, jeung ngarasakeun rébuan cucunguk léwat kana suku urang. Sedengkeun pikeun Tur ngalalana anu waktuna 3 – 4 jam, urang babaseuhan jeung ngaléwatan celah-celah guha anu sempit. Ieu Tur ngan aya di poé sabtu jeung minggu, sarta berlaku pikeun umur 12 taun ka luhur. Tapi , pikeun ngiluan Tur ngalalana, urang kudu ngalakukeun reservasi saméméhna saminggu saméméhna ku ngirim e-mail ka info@cave-management.com.

Tapi biasana jarang pisan anu ngiluan ieu program, lolobana ngan naék tangga nepi ka luhur terus turun deui. Saterusna urang ogé bisa ka Cave Villa anu aya di kaki guha. Cahaya warna warni nyaangan sapanjang guha nu manjang rupa-rupa lukisan patung, puisi jeung tokoh-tokoh ti mitologi Hindu. Aya ogé plakat-plakat tulisan kekecapan bijak jeung kotak-kotak kaca nu eusina rupa-rupa jenis oray jeung reptil.

Lebah henteu jauh ti patung Hanoman. Saperti ngaranna, ieu guha dipinuhan ku patung-patung jeung adegan-adegan tina kisah epik Ramayana. Di luar guha aya hiji patung sapi anu ngabogaan suku lima, anu baheula pernah hirup bebas di sabudeureun guha nepi ka maotna alatan umur geus kolot.

Henteu hésé indit ka dieu. Urang bisa naék KTM (Kereta api Tanah Melayu) ti KL sentral ka Batu Caves Komuter Station. Karétana dilengkepan ku tempat diuk husus awéwé. Urang ogé bisa nyobaan ngagunakeun monorail ti KL sentral ngajugjug Titiwangsa Station. Ti dinya urang naék beus ngajugjug Batu Caves. Pilihan lianna nya éta naék beus intrakota nomor 11D ti Central Markét atawa beus cityliner nomer 69 ti Jalan Pudu ngajugjug Batu Caves.

Saméméh urang naék bakal nongton heula cara nyieun jeung teknologina. Kumaha teknologi penangkal petir diimplementasikeun di ieu menara, jeung naon nu bakal kajadian saupama Twin Tower kasambar ku petir. Video dokuméntasi ieu matak ngirut lantaran urang bakal nyaho saha waé anu ngilu aub dina pangwangunan  Twin Tower ieu. Terus sanggeus 10 menit sajarah singkat. Urang dianteur naék ka luhur ngagunakeun lift berkecepatan tinggi. Dina waktu nepi ka lantai 41, urang bakal dibéré waktu 10-15 menit pikeun foto-foto jeung ngarasakeun kaéndahan KL ti Pétronas Twin Tower. 

Batu Caves Selangor Malaysia

• Jalan Alor Malaysia 

Balik ti Batu Caves kuring ngajugjug ka Jalan Alor, Kuala Lumpur, Malaysia. Jalan Alor mémang mangrupa tempat wisata kulinér, pasna di kawasan élit Bukit Bintang, Kuala Lumpur. Henteu hésé manggihan Jalan Alor, ku leumpang ngan merlukeun waktu kira-kira 5 menit. Perjalanan ti stasiun kareta Monorel Bukit Bintang, posisina ka arah Raja Chulan. Béda jeung kawasan Bukit Bintang nu lainna nu dipinuhan ku pusat perbelanjaan élit jeung mahal. Beuki peuting lain kalahkah sepi tapi justru ramé pisan. 

Jalan Alor justru surgana nu resep rupa-rupa kadaharan murah jeung kaki lima. Rupa-rupa  kadaharan bisa kapanggih di dieu, boh kadaharan ala India, Melayu jeung kalolobaanana nya éta bercita rasa Cina. Aya kadaharan, aya ogé inuman, diantarana rupa-rupa téh saperti téh tarik jeung téh ‘oolong’ khas Pecinan. Lain saukur kadaharan beurat wungkul, macem-macem bubuahan seger jeung nu dipotongan ogé loba didagangkeun, kaasup durén. Harga dahareunna kaasup murah pikeun ukuran kota gedé sakaliber Kuala Lumpur. Hiji ménu kadaharan bisa dibeuli ku harga mulai 5-15 Ringgit Malaysia atawa sarua jeung kira-kira Rp. 20.000,- nepi ka Rp. 60.000,-. Inumannana loba ku harga 2-3 Ringgit Malaysia atawa sarua jeung kira-kira Rp. 7.000,- nepi ka Rp. 10.000. Bubuahanana nu rada mahal lamun dibandingkeun jeung di wilayah lain di Malaysia. Contona mangga, jeruk jeung ganas, Perpotong  kira-kira 3 Ringgit Malaysia atawa sekitar Rp. 10.000,-. Lamun hayang meuli kiloan, biasana hargana sekitar 10 Ringgit Malaysia atawa sarua jeung Rp. 35.000,-. Di ditu kuring dahar kadaharan Cina (Chinese Food) jeung és krim kalapa muda.

Kaayaanana saperti di jalanan. Ulah ngabayangkeun dahar jeung nginum maké korsi jeung méja anu éksklusif jeung empuk. Para pelanggan diuk jeung dahar di korsi jeung méja plastik bari ngarasakeun udara jeung kaayaan peuting Jalan Alor anu ramé pisan. Kaayaan saperti kieu anu justru jadi pangirut anu béda di wisata kuliner di Jalan Alor.

Lamun hayang ka Jalan Alor, alusna urang leumpang ti kawasan Bukit Bintang. Lamun ngagunakeun taksi atawa mobil, mulai soré jalanan jeung daérah sabudeureun Jalan Alor padet jeung macét.  Di sabudeureun Jalan Alor jeung kawasan Bukit Bintang ieu, salian pusat perbelanjaan, ogé loba panginepan atawa hotél. Mulai hotél bintang 5 nepi ka kelas backpacker atawa kelas murah. Jadi ulah anéh, beuki peuting kaayaanana ogé bakal beuki ramé, boh ku masarakat lokal ogé para turis mancanagara. Di Jalan Alor réa gang nu pinuh ku mural (gambar-gambar nu dihias). Kuring leumpang bari ningalian mural nu kacida alusna jeung teu hilap moto jalan gang nu pinuh ku mural sakalian kuring ogé difoto.

Kadaharan ala Cina

És krim Kalapa

Mural-mural di gang Jalan Alor

Poé katilu kaping 28 Séptember 2018, kuring ngajugjug tempat wisata : Dataran Merdéka, Masjid Jamek jeung Sultan Abdul Samad Building.

• Dataran Merdéka atawa Merdéka Square Malaysia

Jam 10an kuring ngajugjug Dataran Merdéka, Kuala lumpur. Kuala Lumpur dina waktu beurang jadi kagiatan anu pikaresepeun sabab loba hal anu bisa ditingali di tengah kota. Mimiti ti gedung-gedung pencakar langit modern jeung pusat shopping nepi ka wangunan kuno anu karawat pisan nepi ka katingali éndah pisan. Kawasan wangunan gaya kolonial di Dataran Merdéka KL bisa dijugjug ku leumpang.

Ku ngagunakeun layanan beus gratis pikeun ngurilingan Dayeuh Kuala Lumpur. Go KL, kuring ngajugjug ka Dataran Merdeka ti KL Sentral. Perjalanan ngan saukur méakeun waktu kira-kira 10 menit. Beus GO KL blue line ieu terus euereun pas di hareupeun lapang Dataran Merdeka. Loba panumpang nu turun di dieu sabab Dataran Merdeka mangrupa salah sahiji déstinasi wisata di Kuala Lumpur, Malaysia. Dataran Merdeka ngawengku sababaraha wangunan kuno di hiji sisi jeung hiji lapang lega di sisi lainna. Ieu lapangan mangrupa saksi sajarah waktu bandéra Union Jack milik Inggris diturunkeun jeung bandéra Malaysia munggaran dikibarkeun dina tanggal 31 Agustus 1957. Ti waktu éta, unggal Poé Kemerdékaan Malaysia di dieu digelar Parade Poé Kemerdékaan. Saméméh merdéka, ieu lapangan ngarana Selangor Club Padang milik Selangor Club. Lapanganna saterusna dipindahkeun ka sebrang Dataran Merdéka.

 

Hal anu paling ngirut pikeun simkuring di kawasan Dataran Merdéka ieu aya di sebrangna. Wangunan kuno titinggal kolonial Inggris ngajajar di sebrang Dataran Merdeka. Anu paling nyolok jeung katingali éndah nyaéta wangunan Sultan  Abdul Samad. Ieu wangunan ngabogaan gaya unik jeung menara jam nu aya di puncak kubah. Aya ogé sababaraha kubah khas masjid anu kapasang di bagian hareup gedung.

 

Wangunan Sultan Abdul Samad sabenerna boga fungsi pikeun gedung kementerian Malaysia Jeung kantor pos. Wangunan klasik ieu diwangun ku A.C Norman dina taun 1897 kalawan gaya arsitéktur Mughal atawa Moorish. Wangunanana anu dilengkepan menara jam jeung warna krém jadi lokasi poto favorit para turis kaasup simkuring. Kawasan di sabudeureun ieu wangunan bersih pisan, kaasup trotoarna nepi ka saha waé anu ngalewat ngarasa nyaman.

 

Di belah wangunan Sultan Abdul Samad ngadeg wangunan kolonial lianna anu nyatana nyaéta National History Museum Serajah Nasional dina basa Melayu. Wangunan museum ieu tadina bank tapi ti taun 1966 fungsina dirobah jadi museum nasional. Di belah gedung aya Galeri Kuala Lumpur kalawan tulisan ‘I Love KL’ anu jadi ikonik. Tangtuna kuring moal ngaléwatan kasempetan pikeun foto-foto di hareupeun ieu tulisan.

 

Di kawasan Dataran Merdeka ogé aya sababaraha gedung lain anu ngabogaan gaya Mughal atawa Moorish kalawan ciri khas kubah di bagian hateup wangunan. Saperti gedung Muzium Tékstil atawa museum téksil anu wangunanana mirip jeung wangunan Sultan Abdul Samad ngan ditambah garis-garis bodas jeung beureum ngora.

 

Ngajalajah Dataran Merdéka di Kuala Lumpur jadi kagiatan anu asyik jeung nyaman salila travelling ka KL sabab aréana bersih pisan jeung gedung-gedung kunona karawat pisan jeung bersih. Lamun urang rék KL , ulah poho ogé ngajugjug Masjid Jamek anu lokasina deukeut jeung Dataran Merdéka, pasna aya di Jalan Tun Pérak. Ieu masjid mangrupa salah sahiji masjid pangkolotna di Malaysia jeung diwangun ku para padagang India Muslim anu datang ka Malaysia pikeun ngadon dagang.

Dataran Merdéka

• Masjid Jamek Malaysia

Bada Lohor, kuring ngajugjug Masjid Jamek bari sakalian sholat lohor. Masjid ieu téh  lain ngan saukur didatangan ku nu hayang  ibadah, tapi ogé ngirut kunjungan para turis. Sarua halna di mesjid Jamek, salah sahiji masjid paling kolot di Kuala Lumpur anu sok suksés didatangan ku loba turis pédah kaéndahan arsitekturna. Masjid Jamek malah ngabogaan aréa solat di ruang terbuka anu mirip jeung masjid Nabawi di Madinah. Masjid Jamek posisina deukeut jeung stasiun LRT Masjid Jamek jadi bisa dideugdeug ku naék karéta LRT atawa cukup naék beus wisata gratis KL Go ti KL séntral. Tinggal leumpang sababaraha menit ti stasiun LRT atawa halte beus.

Masjid nu aya di pertemuan sungai Klang jeung Gombak ieu dibéré ngaran lengkep Masjid Jamek Sultan Abdul Samad. Jamek asalna ti basa Arab “Jamak”, sementara Sultan Abdul Samad nyaéta Sultan Selangor kaopat. 

Masjid dibéré ngaran luyu jeung ngaran Sultan Selangor sabab diwangun di luhur tanah anu ngarupakeun bagian tina nagara bagian Selangor. Faktor nu ngirut datangna turis salah sahijina lantaran gaya wangunan masjid anu unik sarta matak ngirut. Aya di Malaysia anu kaasup kawasan Asia Tenggara tapi masjid Jamek ngabogaan ciri khas arsitéktur Moorish. Biasana gaya arsitéktur Moorish umum kapanggih di wangunan atawa masjid titinggal bangsa muslim Moorish ti Afrika Utara di Spanyol. Ieu hal ternyata anu ngalantarankeun arsiték anu ngawangun Masjid Jamek. Arthur Benison Hubback, ka inspirasi tina gaya wangunan Moorish atawa Mughal India. 

Masjid Jamek anu diwangun dina taun 1909 didominasi ku warna beureum bata jeung bodas, dindingna batu bata, ngabogaan 2 menara sarta 3 kubah warna bodas. Bagian masjid ngabogaan loba gerbang melengkung anu jadi ciri khas arsitéktur Moorish.

Hal unik lainna nyaéta buruan masjid anu ditutupan atap anu mirip jeung masjid Nabawi di Madinah. Éndah pisan…

Salah sahiji waktu nu paling alus ngadatangan Masjid Jamek nya éta dina waktu peuting lantaran masjid katingali ngaluarkeun cahaya biru tina pancaran cahaya LED. Leuwih éndah deui lamun ditingali di sisi walungan. Kalawan sagala kaéndahanana pantesan lamun Masjid Jamek sok waé dijugjug ku para turis, lain ngan saukur umat muslim wungkul.

Masjid Jamek ogé ngabogaan balong nu éndah anu digunakeun paranti wudlu. Lamun hayang ngadatangan Masjid Jamek, pastikeun maké pakéan anu nutup di bagian leungeun jeung suku. Awéwé dikudukeun nutup sirah. Tapi geus disadiakeun jilbab pikeun anu teu maké tutup sirah. Ulah lali ngajugjug masjid dina waktu masjid dibuka nya! Raména deui disadiakeun tur babarengan sarta pemandu sacara cuma-cuma pikeun turis anu datang. Ramé pisan wisata masjid di Kuala Lumpur !

Masjid Jamek Malaysia

• Sultan Abdul Samad Building Malaysia

Tempat wisata nu pangahirna dijugjug nya éta Wangunan Sultan Abdul Samad nu diadegkeun dina taun 1894 ku Sir Charles B.H. Mitchel. Arsitékna nya éta Arthur Charles Alfréd Norman. Ieu Bangunan  diadumaniskeun antara arsitéktur Moor jeung Mughal. Arsitéktur Moor nyaéta seni arsitéktur berbasis Islami. Jeung arsitéktur Mughal nya éta seni arsitéktur gaya India.

Ieu wangunan dingaranan Sultan Abdul Samad sabab ieu wangunan diadegkeun dina masa Kasultanan Abdul Samad nya éta ti taun 1857-1898 dina mangsa éta. Ieu wangunan mimiti digunakeun pikeun kantor pamaréntahan kolonial Britania Raya (Inggris). Jeung sanggeus éta ieu wangunan geus sababaraha kali ganti fungsina. Ieu wangunan kajaga pisan kaaslian wangun asalna.

Di hareup ieu wangunan aya sababaraha sajarah pernah kajadian, salah sahijina nyaéta dikélébétkeunana bandéra Jalur Gemilang dina tanggal 31 Agustus 1957 anu hartina yén masarakat Malaysia geus merdeka tina penjajahan kolonial Britania Raya. Baheula di tempat ieu ogé aya pertambangan bijih timah anu ngajadikeun ékonomi Malaysia beuki maju dina waktu éta.

Kaayaan waktu peuting éndah pisan di tempat ieu. Menara jam dina wangunan ieu nyaruaan menara Big Ben nu aya di Kota London. Di hareupeun ieu wangunan sering diayakeun acara utamana pawai-pawai atawa arak-arakan dina waktu hari Kemerdékaan Malaysia dina tanggal 31 Agustus.

Gedung Sultan Abdul Samad

Mung sakitu pangalaman Simkuring waktu liburan wisata ka Malaysia. Mudah-mudahan aya guna sareng mangpaatna pikeun urang balaréa. 

Hatur Nuhun